சரத்குமார், ஏன் இந்த நாடகம்?

ஏன் இந்த நாடகம்? 

இலங்கை தமிழர்களுக்கு தெரியும் உண்மையான ஆதரவு யார்? நடிப்பது யார் என்று ?

------------------------------------------------------------------------------------------------------------------------------

நவம்பர் ஒன்றாம் தேதி நடைபெறும் உண்ணாவிரத போராட்டத்தில் நடிகர்கள் பேசுவதற்கு கட்டுப்பாடு விதித்திருக்கிறது நடிகர் ச‌ங்கம்.

இல‌ங்கை தமிழர்கள் மீதான தாக்குதலை கண்டித்தும், அதனை நிறுத்த கோ‌ரியும் ராமேஸ்வரத்தில் திரையுலகினர் பேரணியும், பொதுக் கூட்டமும் நடத்தினர். ராமேஸ்வரம் அதிக தூரம் என்று கூறிய நடிகர் ச‌ங்கம் நவ. ஓன்றாம் தேதி சென்னையில் உண்ணாவிரதம் இருப்பதாக அறிவித்தது.

இந்நிலையில் ராமேஸ்வரம் பொதுக் கூட்டத்தில் இயக்குனர்கள் சீமான், அமீர் இருவரும் இந்திய இறையாண்மைக்கு எதிராக பேசியதாகக் கூறி தமிழக அரசு அவர்களை சிறையிலடைத்தது. மேலும் மத்திய அரசை தமிழக அரசு எவ்விதத்திலும் நிர்ப்பந்திக்காது என்று கூறி தமிழ் உணர்வை முற்றிலுமாக தமிழக அரசு கைகழுவியிருக்கிறது.

உண்ணாவிரதத்தில் கலந்து கொள்ள நடிகர், நடிகைகளுக்கு அழைப்பிதழ் அனுப்பியிருக்கும் நடிகர் ச‌ங்க‌த் தலைவர் சரத்குமார், உண்ணாவிரதத்தின் போது தமிழக, மத்திய மற்றும் இல‌‌ங்கை அரசுகளுக்கு எதிராகவோ, சட்டவிரோதமாகவோ, யார் மனதும் புண்படும்படியோ பேச வேண்டாம் என கேட்டுக் கொண்டுள்ளார். த‌ங்களது உணர்வுகளை வெளிப்படுத்தும் வகையில் கருத்துக்களை மட்டும் பதிவு செய்தால் போதும் என்றும் கேட்டுக் கொண்டுள்ளார்.

திரையில் உலகை காப்பாற்றும் ஹீரோக்களின் நிஜ முகத்தை வெளிப்படுத்தியதற்கு சரத்குமாரை எத்தனை பாராட்டினாலும் தகும்

பார்க்க போனால் ஜெயலலிதா பதவியை பிடிபதில் தான் குறியாய் உள்ளார்...

இலங்கைப் பிரச்னை தொடர்பாக இரண்டு வார காலத்திற்குள் மத்திய அரசு நடவடிக்கை எடுக்காவிட்டால் தமிழக எம்.பி.,க்கள் பதவி விலகுவார்கள் என்ற தீர்மானம் வெறும் கண்துடைப்பு நாடகம் என அ.இ.அ.தி.மு.க. பொதுச்செயலாளர் ஜெயலலிதா தெரிவித்துள்ளார்.

இது குறித்து சென்னையில் அவர் இன்று வெளியிட்டுள்ள அறிக்கையில்:

அனைத்து கட்சிக் கூட்டத்தில் நிறைவேற்றப்பட்ட தீர்மானம் விடுதலைப்புலிகளுக்கு ஆதரவாக கருணாநிதி செயல்படுகிறாரோ என்ற சந்தேகத்தை ஏற்படுத்துகிறது. இலங்கையில் நடக்கும் உள்நாட்டுப் போரை நிறுத்தும் அதிகாரம் இந்திய அரசிடம் இல்லை. அவ்வாறு செய்தால் இந்திய உள் நாட்டு விவகாரத்தில் மற்ற நாடுகள் தலையிட வழிவகை செய்தது போல் ஆகிவிடும், இது நாட்டின் இறையாண்மையை குலைக்கும்.

இந்த அடிப்படை கூட தெரியாமல் ஒருவர் 5 முறை முதல்வர் பதவியில் இருந்துள்ளார் என்பது ஆச்சரியமாக உள்ளது.

இலங்கை ராணுவத்துக்கு இந்திய ராணுவம் பயற்சி அளிப்பதும், அப்பாவி இலங்கைத் தமிழர்கள் மீது நடைபெறும் ராணுவத் தாக்குதலும் உடனடியாக நிறுத்தப்பட வேண்டும் என்பது தான் முக்கியமான பிரச்னை. 

இலங்கையில் தற்போது நடைபெறும் யுத்தத்தில் அப்பாவித் தமிழர்கள் பாதுகாப்பான இடங்களுக்கு செல்வதை விடுதலைப் புலிகள் தடை செய்யக்கூடாது என்று கருணாநிதி ஏன் வலியுறுத்தவில்லை. 

மத்திய அரசுக்கு இரண்டு வார கால அவகாசம் கொடுக்கப்பட்டிருப்பது காலம் கடத்தும் முயற்சி. இலங்கைத் தமிழர்கள் மீது உண்மையிலேயே அக்கறை இருந்தால் மத்திய அமைச்சரவையில் இருந்து திமுக அமைச்சர்கள் உடனடியாக பதவி விலக வேண்டும். மத்திய அரசுக்கு அளித்துவரும் ஆதரவை தமிழக மக்களவை உறுப்பினர்கள் அனைவரும் திரும்பப் பெற்றுக்கொள்ள வேண்டும். தமிழகத்தில் திமுகவும் தனது ஆட்சி அதிகாரத்தை துறக்க வேண்டும்.

இவ்வாறு அந்த அறிக்கையில் ஜெயலலிதா கூறியுள்ளார்

அஞ்சலி - பூர்ணம் விஸ்வநாதன்

சென்னையில் நேற்று மரணம் அடைந்த நடிகர் பூர்ணம் விஸ்வநாதனின் உடல் தகனம் இன்று நடந்தது. அவரது உடலுக்கு ஏராளமான நடிகர் நடிகைகள் அஞ்சலி செலுத்தினர். பழம்பெரும் நடிகர் பூர்ணம் விஸ்வநாதன் நேற்று மரணம் அடைந்தார். அவருக்கு வயது 87. உடல் நலக்குறைவு காரணமாக சென்னையில் உள்ள தனியார் மருத்துவமனையில் சிகிச்சை பெற்று வந்த பூர்ணம் விஸ்வநாதன், நேற்று மாலை சிகிச்சை பலனின்றி மரணமடைந்தார்.  கோட்டூர்புரத்தில் உள்ள அவரது மகன் வீட்டில் வைக்கப்பட்ட அவரது உடலுக்கு பொது மக்கள் மற்றும் நடிகர் சங்கம் சார்பில் பொதுச்செயலாளர் ராதாரவி மற்றும் நடிகர்கள் ராஜேஷ்,ஒய்.ஜி.மகேந்திரன்,எஸ்.வி.சேகர், காத்தாடிராமமூர்த்தி,டைரக் டர் பாலச்சந்தர் உள்ளிட்ட ஏராளமான திரையுலக பிரமுகர்கள் அஞ்சலி செலுத்தினர்.  அதனைத் தொடர்ந்து பூர்ணம்விஸ்வநாதன் உடல் இன்று பகல் வீட்டில் இருந்து ஊர்வலமாக எடுத்து செல்லப்பட்டு மயிலாப்பூரில் உள்ள மின்சார மயானத்தில் தகனம் செய்யப்பட்டது. மரணம் அடைந்த பூர்ணம்விஸ்வநாதனுக்கு சுசிலா என்ற மனைவியும், சித்தார்த் என்ற மகனும் உமா, பத்மினி ஆகிய இரண்டு மகள்களும் உள்ளனர். பூர்ணம் விஸ்வநாதன் வறுமையின் நிறம் சிவப்பு, தில்லுமுல்லு,ஆண்பாவம், வருஷம்16, ஆசை, மகாநதி உள்பட 80 படங்களில் நடித்துள்ளார்.  சினிமாவுக்கு வரும்முன் டெல்லியில் அகில இந்திய வானொலியில் செய்தி வாசிப்பாளராக பணியாற்றினார். இந்தியா சுதந்திரம் அடைந்த செய் தியை வானொலியில் அறிவித்த பெருமை இவருக்கு உண்டு.

ராமன் தேடிய சீதை

ராமன் தேடிய சீதை படம் உண்மையில் சேரனின் நல்ல படைப்பு. Well done Seran. சமுகத்தில் நாம் காணும் நிகழ்வுகளை சினிமாவில் எடுத்து காட்டிய படம். சேரன், என் நல் வாழ்த்துகளும் ஆதரவும் என்றும் உண்டு உங்கள் படைப்புகளுக்கு.